Mehrban koi nazar aaye to samjhon tu hai
phool mehakain to ye janon ke teri khushboo hai
aqal tasleem nahi karti pe dil manta hai
woh koi mojza hai weham hai ya jadu hai
ab tera zikr karein gay na tujhe yaad kabhi
han magar dil ke dharakne pe kise qaaboo hai
kuch mizaj apna hi begana hua jata hai
warna us shakhs ki to naram rawi ki khu hai
gham rag-o-pe mein utarta hai lahoo ki surat
dard palkon pe larazta hua ek aansoo hai
Rating :
- Views
- Total Send
- characters
Related Poems