Dil apne aap bhar aya to main ne phir socha
yeh hum sukhan bhi ganwaya to main ne phir socha
phir ulte qadmon isi simt laut aana hai
jo us ne paas bulaya to main ne phir socha
wo koi aks tha saya tha ya meri khwaish
main apne aap mein aya to main ne phir socha
wo chandni hai use main kahan rakhon ga bhala
jo waqt milne ka aya to main ne phir socha
bahut dino se main bhoola hua tha yaroon ko
kisi ne zakham lagaya to main ne phir socha
Rating :
- Views
- Total Send
- characters
Related Poems